Það var mikið líf og fjör hjá krökkunum í Knattspyrnuskóla Reynis í sumar, en skólinn sem var starfræktur í 3 vikur undir styrkri stjórn Sinisa Kekic og Magna Jóhannssonar lauk síðastliðinn föstudag með pylsugrilli og afhendingu stuttermabola sem Verslunarfélagið Ábót og Fiskverkun K & G styrktu krakkana um.
Það er heldur betur þétt dagskrá á Sandgerðisvelli í vikunni og hvetjum við alla til að koma við og styðja hina ýmsu flokka Reynis. Að sjálfsögðu er alltaf heitt á könnunni.
Mikið hefur borið á því að starfsmenn á Sandgerðisvelli hafa verið að finna golfkúlur á aðalkeppnisvelli Reynis og vill vallarstjóri koma því á framfæri við Sandgerðinga að það er stranglega bannað að leika golf á knattspyrnuvellinum.
Einnig er vert að benda á að hundar eru einnig stranglega bannaðir á vellinum.
Þetta er Knattspyrnuvöllur en ekki útivistarsvæði fyrir hunda og golfara.
Starfsmenn Sandgerðisvallar eru að reyna sitt besta til að halda vellinum sem bestum og því afar hvimleitt að sjá völlinn eyðilagðan með þessu móti.
